Nüm düü
Restom chi,
Ndala meravigliosa strèta
Di nòss corp.
Restom chi,
Fermi a spéciaa
Al trapass
Ca santifichérà par sempar
La nòsa ünion
Aridità
Sul praa naffiaa da pocc
A’numidivi i me pensé ndi tò
Bagnavi’l mè corp ndal tò,
Am bagnavi colla tò sessualità,
A pociavi la mè contentezza ndla tóa.
Pö l’è rivada la siccità dla tò anima,
A m’irroravi pü dla tò passion,
Ma cuma’ gran d’staat
Da per mi ma sécavi al sóó
Al tò cör inaridii
Anchia sa’l nafiavi.
Capriol da soriis
Vodrésa viif ind ün sogn,
Ca ü duriga mia
Al fragment illüsori da na nöcc
Ma ü continuiga
Ndal dür marm
Da na vida ntréga,
Ca scavalchiga’l müür
Dai tramònt dal anima
Capriol da soriis
I tira gió
Spasim dal cör.
Invia un commento ad Andrea Mucciolo
